Etwinning.net-ტრენინგების მეორე ნაკადი

მას შემდეგ, რაც ჩვენი სკოლის პედაგოგების ერთმა ნაწილმა Etwinning-ის ტრენინგები ქალაქ წყალტუბოში დედაქალაქის სხვა სკოლების  პედაგოგებთან ერთად გაიარა, კვლავ განახლდა  Etwinning-ის ტრენინგები . ამჟამად ჩვენი სკოლის პედაგოგებს დეა გოგოლაძეს, მარიამ ფირანიშვილს, მანანა გადელიას და მაია ჟიჟლაშვილს  სსიპ თბილისის ქალაქ თბილისის 51-ე საჯარო სკოლამ უმასპინძლა(ტრენერი ნინო მოლაშხია). ტრენინგის დასრულების შემდეგ ქალბატონი ნინო ჩვენს სკოლასაც ეწვია და  ინფორმატიკის კაბინეტში საკონსულტაციო შეხვედრა გამართა პირველი და მეორე ნაკადის ტრენინგების მონაწილეებისათვის და სამომავლო პროექტების შესახებაც  ისაუბრეს.

საქველმოქმედო აქცია

ცნობილმა მოდელმა ანუკი არველაძემ ჩვენი სკოლის 34 მოსწავლეს ვაკის ბავშვთა გასართობ ცენტრში „ჰეპპი ლენდი“ უმასპინძლა, სადაც მათ არაჩვეულებრივი, ხალისიანი წამყვანები,   სხვადასხვა გასართობი თამაშებით დატვირთული პროგრამა და უგემრიელესი სადილი დაახვედრა. ბავშვები აღფრთოვანებას ვერ მალავდნენ. ქალბატონი ანუკი მოსწავლეებს  შეპირდა, რომ მსგავს აქციებს კვლავ მოაწყობდა ჩვენი სკოლის სხვა ბავშვებისთვისაც.

მარიამ წიკლაურის „ანბანი“-ს მიხედვით

 მესამე კლასის მოსწავლეებმა(კლასის ხელმძღვანელი მარიამ ფირანიშვილი) ცნობილი ქართველი საბავშვო პოეტის მარიამ წიკლაურის წიგნის „ანბანი“-ს მიხედვით გააცოცხლეს ქართული ანბანის ასოები და ლექსები წაიკითხეს. ღონისძიება გაალამაზა ანბანის მიხედვით ქართულ ასოებზე შექმნილმა პრეზენტაციამ, ღონისძიების დასასრულს ბავშვებს სიტყვით მიმართა დირექტორის მოადგილემ ლია ჯანიაშვილმა, რომელმაც მადლობა გადაუხადა მოსწავლეებს და მათ კლასის ხელმძღვანელს ასეთი ლამაზი ღონისძიებს მოწყობისათვის

გუდაურში...

სკოლის ფიზკულტურის მასწავლებლის და ისტ მენეჯერის ორგანიზებით, იმ მოსწავლეებისა და მათი მშობლებისათვის, რომლებიც აქტიურად მონაწილეობენ სკოლის მიერ ორგანიზებულ სხვადასხვა ღონისძიებებში, მოეწყო  ერთდღიანი გასვლითი ტური ბაკურიანში.